Жамбыл облысына жұмыс сапары барысында «QazaqGaz Aimaq» АҚ Бас директоры Бауыржан Асқаров өңірдің негізгі газбен жабдықтау нысандарымен танысты. Сапар барысында Тараз қаласын және Жамбыл ауданының бір бөлігін газбен жабдықтауды қамтамасыз ететін АГТС-2 автоматтандырылған газ тарату станциясына, станция маңындағы өлшеу торабына, сондай-ақ, №15 газ тарату пунктіне (ГТП) барды.
Сонымен қатар, Бас директор 104 авариялық-диспетчерлік қызметтің жұмысын тексерді, техникалық жарақтандырумен, авариялық шақыруларды қабылдау және өңдеу, сондай-ақ, инциденттерге жедел әрекет ету жүйесімен танысты. Үздіксіз газбен жабдықтауды қамтамасыз ету, газ тарату желілерін пайдалану қауіпсіздігі және авариялық-диспетчерлік әрекет ету тиімділігін арттыру мәселелеріне ерекше назар аударылды.
Жамбыл өндірістік филиалының жаңадан тағайындалған директоры Бақтияр Көпбосынов басшылыққа жылыту маусымының ағымдағы жай-күйі туралы баяндап, 2024-2025 жылдардың күзгі-қысқы кезеңіне дайындық жұмыстары жаздың соңында аяқталғанын атап өтті. Дайындық шеңберінде 209 газ тарату пунктіне ағымдағы жөндеу жүргізілді; 1439 кабинеттік газ реттеу пунктіне қызмет көрсетілді; жерасты газ құбырларын электрохимиялық қорғаудың 84 катодты станциясына жөндеу жүргізілді.
Сонымен қатар, аспаптық әдістермен 2313 км жерасты полиэтилен газ құбырлары, 105 км жерасты газ құбырлары герметикалыққа зерттелді. Барлық іс-шаралар белгіленген мерзімде орындалды, бұл жылыту маусымында өңірдегі тұтынушыларды тұрақты және қауіпсіз газбен жабдықтауды қамтамасыз етуге мүмкіндік берді.
Жұмыс сапары барысында «QazaqGaz Aimaq» АҚ Бас директоры Бауыржан Асқаров Жамбыл облысының әкімі Ербол Қарашөкеевпен кездесті. Өңірді газдандыру, дебиторлық берешек және халықты үздіксіз газбен жабдықтауды қамтамасыз ету мәселелері талқыланды.
Сондай-ақ, компания басшылығының Жамбыл филиалының ұжымымен кездесуі өтті, онда өндірістік қызмет, жұмыс тиімділігін арттыру және тұтынушыларға қызмет көрсету сапасын жақсарту мәселелері талқыланды.
Барлық іс-шаралар қыста тұтынушыларды тұрақты және үздіксіз газбен қамтамасыз етуге бағытталды.
«QazaqGaz Aimaq» АҚ азаматтарға тұрмыста табиғи газды қауіпсіз пайдалану қажеттігін еске салады. Үйдегі түтін мұржалары мен желдету арналарын уақтылы тексеру және тазарту, газдан ажырату автоматикасы бар табиғи және көміртегі тотығының ағып кетуіне жауап беретін сигнализаторларды орнату қауіпсіздік кепілі болып табылады. Бұл қарапайым ережелер табиғи газды пайдалану кезінде жазатайым оқиғаларды болдырмауға көмектеседі.
Анықтама: қазіргі уақытта Жамбыл облысында жалпы халық саны 1,2 миллионнан астам тұрғыны бар 371 елді мекеннің 285-і табиғи газбен қамтамасыз етілген, онда 1,113 миллион адам тұрады. Өңірдегі халық саны бойынша газдандыру деңгейі 91,1 пайызды құрайды, елді мекендер саны бойынша бұл көрсеткіш 76,8 пайызды құрайды. Пайдаланылатын газ құбырларының жалпы ұзындығы 7 430 км. сондай-ақ 220 газ реттеу пункті, 1456 шкаф реттеу пункті, 23 061 жеке шкаф пункті орнатылған.